Diabel Santu
E balki den mi wowo. E kontainer den bo .... Riba dia di Señor tur polvá bo ta bishitá su kas ku e buki bon brasá. Despues di dos ora di adorashon, mei ora di komunion ku rumannan den Kristu, bo ta bai Centrum bai hasi merkado di siman den bo sunday best . Djaluna b'a drenta mundu bèk, ya bo ke pone tur hende den chèk. Hala un liña di Sta.Maria pa Saliña pa asina separá bo mes for di e paganonan i sobrá pekadónan. E arko iris a bira un trigger ku kada bes ku bo mir'é, bo ta kue bo buki tene mas duru i kuminsá sulfurá: "Ta p'esei mundu ta asina aki!" "Mare fin di mundu por yega pa kaba ku nan!" "E kos ei no ta kos di dios!" "Dimi parti laman habri lastra nan tur bai ku n'e!" Akaso bo a lubidá kon bo tabata skèr tras di baño di skol? Kome for di e fruta prohibí. Bo a pone bo yunan riba un dieet spesial, i kana broma tur hende kon salú nan ta. Sin sa ku nan tambe a gusta e taste di e fruta ayá. Nan a krese i bira prof...
